No.6737/2020-2021
District Magistrate Lunglei chuan hetiang hian thupek a chhuah. Zu leh ruihhlo chi hrang hrangte hi mihring tan a thalo in, halpuah leh halmawi-te hian nasa takin mihring hriselna a tichhe thei a, boruak a tihbawlhhlawh mai bakah bengchheng a siam a, silai lem a mu nei chi te hian mihring te piansualna a thlen theih avangin leh tul lova sum khawhralna a nih bawk avangin Lunglei District mipuiten hriselna tha kan lo neih theih nan leh Krismas leh Kumthar hlim tlang tak leh thlamuang taka kan hman theih nan khapna thupek chhuah a tul a.
Chuvangin, kei, V.LALSANGLIANA, District Magistrate, Lunglei District hian Sec. 144 of Cr P.C. 1973 (Act No. 2 of 1974) in thuneihna min pek angin hetiang hian thupek ka chhuah e.
Lunglei District huamchhung ah kum 2020 Chrismas leh Kumthar 2021 vuakvet ah-
1. Zu leh ruihhlo chi hrang hrang ruih, hralh leh lakluh khap tlat a ni.
2. Halpuah, Halmawi leh puak thei thil dang, boruak tha lo siam thei leh ri bengchheng siam thei chi reng reng lakluh, zawrh, hralh, hal leh hman khap tlat a ni.
3. Naupang Silai lem a mu hmang chi leh Sky Lantern reng reng zawrh leh hralh khap tlat a ni.
Thupek hian thu leh awm hma chu puan a nih atanga thla hnih chhung a huam ang.
