No.6738/2020-2021
District Magistrate Lunglei chuan hetiang hian thupek a chhuah. Mizoram Sorkar chuan Lehkha No.B.13021/101/2020-DMR/Vol-II dt 27.11.2020 hmangin Ni 1.12.2020 atanga 10.01.2020 chhunga Covid-19 No Tolerance Drive kalpui-na a hman tur inkaihhruaina thupek a chhuah a. Sorkar thupek bawhzui in leh Covid-19 laka Lunglei District mipui kan him theih nan khapna thupek chhuah a tul a.
Chuvangin, kei, V.LALSANGLIANA, District Magistrate, Lunglei District hian Sec. 144, Cr.PC 1973 in thuneihna min pek angin a hnuaia thupek hi ka chhuah e.
1. Lunglei khawpui chhungah zan dar 8 : 00 leh zing dar 4 : 30 inkar ah pawn chhuah khap tlat a ni a. He thupek hian Covid-19 kaihhnawih a duty te, phai atanga bungraw phur in unload, chhiat tawh thil leh medical emergency-a VLTF-ten phalna an pek leh District Magistrate in phalna a pek te a huam lovang.
2. Lunglei khawpui chhungah phalna nei lova vantlang hmuna mi 5 (panga) aia tam awmkhawm khap a ni. He khapna hian Mizoram Sorkar-in Order No.B.13021/101/2020-DMR/Vol-II dt 27.11.2020 hmanga inkaihhruaina thupek a chhuah-in phalna a pekte leh District Magistrate in phalna a pekte a huam lovang.
He thupek bawhchhetu chu Section 188 IPC hmangin hrem theih a ni ang.
He thupek hian tihdanglam a nih loh chuan Ni 1.12.2020 atanga thla hnih huam chhunga Sorkar-in Covid-19 No Tolerance Drive a kalpui hun chhung a huam ang.
