1767/2025-2026

Lawngtlai, 7th October 2025: Vawiin khan 'District Planning Committee for Lawngtlai District' chuan an Chairman leh Bawrhsap nibawk Pu Donny Lalruatsanga kaihruaiin DC Conference Hall - ah thutkhawm an nei.

Pu Donny Lalruatsanga chuan kalkhawmte hnena lawmthu sawina a nei hmasa a. Mizoram sawrkar hnuaia Planning & Programme Implementation Department- ten 'Mizoram District Transformation Programme' a kalpui turah Lawngtlai District - hmalakna tur hrang hrangte inhrilhhriat a pawimawh hle a ti a. He Programme hnuaia District Baseline Profile, District Transformation Vision, District Catalytic Intervention Plan, District Catalytic Fund leh DCIP Implementing Agency bakah sum hman theihna leh theihlohna te sawifiahna a nei a. District Transformation Programme- kaltlanga hmalakna turah District Planning Committee - te theihtawp chhuah turin a chah nghal bawk.

Thutkhawmah hian Lawngtlai District - a 'District Transformation Programme' tha taka kalpui turin theihtawp chhuah ni se an ti a. He Programme - hlawhtlina turin sawrkar department hrang hrang ten theihtawp chhuah ni se tiin, a tul anga inrawn tlang zel ni se an ti a. A bik takin Mizoram District Transformation Programme-hnuaia zawm tur ( Guidelines) hrang hrangte zirchianna neih ni se, October thla chhungin department - tin te 'draft plan (soft & hard copy)' siamin, DC Office - ah thehluh nise , an ti a. November thla chhung ngei a 'District Planning Committee' pawm theih tura hmalak ni se an ti bawk a ni.

Vawiin thutkhawmah hian 'District Planning Committee for Lawngtlai District' Member- te an tel kim tha hle a, Pu Donny Lalruatsanga chuan lawmthu sawina neiin hun a khar.