Serchhip District Research Officer Pu VL Remliana, MPE&SS leh a thawhpuite chu an Office Building thar, Serchhip P&E Veng, Quarry Road tia kan hriat lar, Soil and Water Conservations Department leh Chief Judicial Magistrate (District Court) te office awmna bul maia an sak tharah tun thla March ni 6, 2017 atang khan an insuan lut tan a. Tunah chuan insuan lut fel vek tawhin a dawr duh apiangten he an Building tharah hian pan tawh tur a ni ang.

He an Building thar, Rs 60 Lakhs senga sak hi, thil thenkhat tihfel ngai a la awm deuh avangin official a la hawn chaih loh deuh mai a nih thu Pu VL Remliana, DRO chuan a sawi a, hun reiloteah official-a a hawnna buatsaih thuai a nih a beisei thu a sawi a ni.