164/2023-2024

Mamit 20th April, 2023 : Pu Vanlalenmawia, District & Sessions Judge, Aizawl Judicial District kaihhruaina-in vawiin khan District Court Mamit-ah Under Trial Review & Crime Victim Compensation chungchangah meeting neih a ni.

District & Sessions Judge chuan under trial jail-a tang mekte an tan hun tur bituk hun chanve aia tam tangte bail a chhuah an nih theih dan ngaihtuah chu a tum ber anih thu a sawi a. Case investigation titute'n an case chhui chu uluk taka neih thin nise, chutihrualin, Judicial lam chuan thil tisualte chu convict zel turin tan kan la thin a ni a ti. Tun dinhmunah Mamit-ah IPC section 436A hnuai-a under trial bail-a chhuah mai theih tur chi kan nei lo chu lawmawm a tih thu a sawi.

Vawiin vek hian Mizoram Victims of Crime Compensation scheme hnuaia application lutte ngaihtuah nghal a ni a. Mamit District-ah tunah hian Applicant 20, case hrang hrang awm mekin chungte chu Committee hian uluk takin a ngaihtuah nghal a ni.

District & Sessions Judge hian Mamit District Jail a tlawh nghal a. 'Rights to Prisoners' tih thupui hmanga Awareness Programme khuallian niin a hmanpui. He hun hi Pu Lalbiakdika, Superintendent, District Jail, Mamit-in a kaihruai a. Pu H. Lalduhsanga, Sr. Civil Judge, Aizawl chu Resource Person niin Mamit District Bawrhsap leh SP te'n thu an sawi. Pu HT Lalmawizuala, JMFC, Mamit chuan lawmthu a sawi bawk.

Mamit District Jail-ah hian tun dinhmunah mipa 44 leh hmeichhia 8 tang an awm mek a ni.