163/2023-2024

Mamit 20th April, 2023 : Vawiin khan District Disaster Management Authority, Mamit District, 1st Bn. NDRF leh BDO Zawlnuam tangkawpin Langkaih lui Area a YMA leh thalai tlawmngaite tan tui tla chhanchhuah leh tui tla zawnga chet chhuah dan inzirtirna hun neih a ni.

Training Programme hi BDO Conference Hall-ah leh Zawlnuam bawrai luiah neih niin he hunah hian Langkaih lui kama khaw hrang hrang aiawh thalai tuithiam te telin 1st Bn. NDRF te hian Tui tla chhan dan leh lawng hman dan te, lawng hmanga tui tla chhanchhuah dan leh chet dan turah zirtirna an pe a ni.

Vawiin Training hi DC Office Mamit atangin Pu Moses Ramdinthara, SDC Mamit leh District Organiser Pu Lalrinchhana te bakah Pu Henry Malsawmtluanga, BDO Zawlnuam te'n a hmunah an enpui bawk a ni. He training-ah hian khaw hrang hrang 8, Zawlpui, Thinghlun, Kanhmun, Bawrai, Zawlnuam, Vengpui, Zualnuam Thuampui, Luimawi leh Bungthuam atangin thalai mi 30 chuang an tel a ni.