162/2023-2024

Mamit 20th April, 2023 : Vawiin khan DC Conference Hall, Mamit-ah Mamit khawpui chhunga Home pathum Joshua's Children Home, Buannel Home leh Bethany Swadhar Greh-te hnenah Hon'ble Governor of Mizoram hnen atanga Discretionary Grant chu Pu V.L. Remliana, District Bawrhsap chuan a hlan.

District Bawrhsap chuan Home a thawktute chu Mizoram Governor chuan a ngaihpawimawhin in-hnathawh a hriatsak che u a ni a ti a. In hnathawh a ropuiin fak inphu a, inpumpekna leh hmangaihna nena hnathawh ngai a nih avangin theihtawpchhuah zel turin a chah. Harsatna an nei a nih pawha sawi hrehlo tur leh a theih chen chena chinfelna kawng zawnpui a inhuam thu Home enkawltute a hrilh a, mihring mize hrang hrang enkawltu an nih avangin hmingchhiat theihna awm awl tak a ni a, fimkhur taka hnathawk zel turin a chah bawk a ni.

Vawiin-a Discretionary Fund hlan tak Joshua's Children Home-ah hian mipa naupang 50 an awm a, Buannel Home-ah hian Seat awm thei chin naupang 25 enkawl mek niin, Bethany Swadhar Greh-ah hian Hmeichhe tanpui ngaite tlukluhna tura din a nih angin lut leh chhuak an awm reng thung a ni.

Heng Home pathumte tan hian Governor of Mizoram Discretionary Grant hi Rs. 25,000/- theuh District Bawrhsap hian a hlan a ni.

He hunah hian DCPO aiawh leh Home hrang hrang atanga thusawi ngaihthlak niin, Pi Sapliannguri, Superintendent DC Office chuan thu a sawi bawk a ni.