165/2023-2024

Champhai, the 20th April, 2023: Vawiin chawhnu khan Law & Judicial Minister Pu T.J. Lalnuntluanga, Champhai South bialtu MLA chuan Champhai Higher Secondary School, Electric Veng chu tlawhin thawktute kawmna hun a hmang.

Pu T.J. Lalnuntluanga chuan Champhai South huamchhungah zirna sang zawk a awm remchan mai loh vangin kum 2019 ah Champhai South Higher Secondary School din a nih thu a sawi a. Zirlaite hmakhua ngaia theihtawp chhuah zel a ni chu lawmawm a tih thu sawiin, School dinhmun tha zawk leh thawmthat kawngah pawh theihtawp chhuah zui zel niin project-te siam a ni a, beiseina sang tak neih a ni, a ti a. Champhai South Higher Secondary School-in din a nih atanga result duhawm tak tak a nei thin chu chhuanawm a tih thu sawiin, thawktute chu thahnemngai taka thawk chhunzawm zel turin a sawm nghal bawk.

Inkawmhona hun hi Pu TBC Lallawmpuia, Chairman, School Managing Board chuan a kaihruai a. Principal Pu HC Lalhmachhuana'n School mamawhte a thlen a. Minister chuan mamawhte buaipui nan sumfai Rs 50,000/- a hlan a ni.

Tun dinhmunah Champhai South Higher Secondary School-ah hian Zirtirtu 7 leh Class XII Zirlai 31 an awm mek a, Class XI lut tur admission ngaihchan mek a ni.