166/2023-2024

Dated Serchhip, the 20th April, 2023: Vawiin khan Er. Lalrinawma, Minister SW&TA etc. chuan a bial Tuikum huam chhunga khaw thenkhata hmasawnna hnathawh hrang hrang enin hun a hmang.

Er. Lalrinawma Minister chuan, a bial chhung hmalakna zingah eizawnna, zirna leh hriselna te chu a ngai pawimawh zual hle reng tih sawiin, mipuiten hma an sawn tlan theihna tura thil tha an hriatte a hnena inthlahrung hauh lova thlen thin turin khawtlang leh pawl hrang hrang hruaitute chu a sawm a, hmasawnna hnathawh mek leh bul tan mai tur hmabakte chu mahni ta ang taka thawk tur leh enkawl zui tura a duh thu a hrilh a ni.

Minister hian khaw hrang hrang Hmuntha, Khawbel, Hualtu leh Vanchengte a school building sak mek te, khelmual laih mekte leh school building sak thar turte enin hun a hmang a. Pu H. Lalroliana, member, SEDP Tourism & Sports Board leh khawtlang hruaituten an tawiawm a ni.