Nimin chawhnu dar 2:00 khan DC conference Hall-ah kangmei tuarte chhawmdawlna hna thawk tura din District Task Force Committee in a hmalak tawhna leh chhawmdawlna hna kalpui tura ruahmanna a siam te mipui leh kangmei tuarte hnenah puanzarhna hun hman a ni.kangmei tuar tu pawh a duh apiang thusawina hun pek an ni a,zau tak leh rilru inpawh takin, thutlukna fel fai tak siam a ni.

Reports tlangpui: 1)Kangmei avanga in chhia hi a vaiin 42 a ni. Kangmei tuar chhungkaw 80 an awm.

2) In thar sak that tur 19 thlanchhuah a ni a, 9 hi BPL chhungkua an ni avangin UD&PA atanga sak tur a ni a, 10 erawh tanpuina tling khawm atanga sak tur ani. In thar pakhat sak nana sum ruahman zat chu Rs.2,40,000. In thar sak tur nilo zawng a in chhiatdan EE, PWD zir chianna tlawchhan a tanpuina pek an ni ang.

3)In neihtu nilo kangmei tuar chhungkua te chu Field officer, DM&R, Saiha in an thil neih hlutzawng a zirchianna tlawchhana tanpuina pek an ni ang.

4)Kangmei tuar zirlai naupang 21 hnenah Donation tlingkhawm atangin tanpuina pek an ni ang.

5)District Task Force kuta tanpuina pawisa fai lut chu Rs 54,36,607, Thingzai etc leinan Rs 11,07,405 hman ral tawh a ni a. Balance Rs 43,29,202 a awm. He report ziahlai pawh hian tanpuina tangka fai a la lut reng.

6) In thar sak hnah hi 28.2.2012 tan tur a a ni a, tlawmngai pawl hrang hrang leh VC ten MTP(H) kaihruaina hnuaiah an thawk ang.In thar sak tur hi design in ang veka sak tur a ni.

7) In thar sak tur 19 atangin 9 chuan tlawmngai pawl te kuta dah lova, mahni a insak an thlang zawk.

8) EPIC/Electoral certificate kengin DTF committee hnen atangin Tanpuina dawng tur ho zawng chuan tarik 292.2012 hian alam thei.

9) Central YMA atanga tanpuina tangka fai lokal erawh DTF Committee kal tlang lovin, Saiha Group YMA ten kangmei tuarte kutah an hlan dawn.