Ni 10.4.2018 Thawhlehni tlai khan   District Task Force Committee on Social Media for Measles Rubella Vaccination  Campaign under Mamit District chu CMO Office, Kumtluang hall Mamit ah neih a ni.

Dr C.Zothankhuma CMO Mamit  chuan Committee hi kaihruaiin, Mamit District ah hian Bru leh Chakma antam avang leh hmun kilkhawr zawk a awm leh hriselna kawngah pawh la hnufual  , tin  ziak leh chhiar thiamlo, Social Media lam hawi thiamna engmah neilo , mi engemaw zat an awm thusawiin, heng mite hnen thlengpha turin engtin nge hma kan lak ang a ti a, He natna hi naupangin an vei aimahin nu naupaiah a hlauhawm zawk thu asawia, heng hri danna te hi Shool leh Aganwadi ah te neihpui ani dawn a, naupang thlakua (9) a upa leh kum sawmpanga (15) a upate  inkar a mi a huam dawn a ni. tin he Vaccination beihpuithlak hian za ah za (100%) cover tura ruahman niin,  a hlawhtlinna hi za ah sawmkua panga (95%) tal a nih loh chuan a bul atangin tih that leh tur a ni dawn a , he Measles Rubella Vaccination beihpui thlakna hian naupang Singhnih zanga sawmruk pakhat ( 20561) target  ah a nei a ni a ti.

Dr TC.Hmingthangi DIO pawhin an harsatna tawh sawiin, Kan district chhung hi hnam hrang hrang leh tawng hrang hrang hmang kan nih a vangin hmalak hi a harsain duh angin a kal chak thei lo a ni a ti.

Committee chuan he hri dan na beihpuithlak na turah hian inhrilh hriatna darh zau taka neih a nih theih na turin, Mamit District chhunga khawtlang hruaitu VC te nen  thahnem ngaitakin hmalak nise tiin an rel.

He meeting ah hian Mamit khawpui chhunga chanchinbu mite leh Social media hmangtu pawl LENS Mamit te bak ah he programme hnuaia hna thawktute an tel a ni.