Vawiin chawhnu dar 2 khan D.C Conference Hall-ah Mamit District Task Force Immunazation Meeting chu an Chairman Pu Vanlalngaihsaka District Bawrhsap, Mamit kaihruaina a neih a ni.
Meeting-ah hian sawrkar laipuiin India ram chhunga Naupang kum 2 hnuai lam ten Hri danna (Immunization) an lak vek theihna tura duan “Mission Indradhanush” a kalpui tur atana inpuahchah dan tur an thlir ho va. He Mission Indradhanush atana Mamit District inpuahchahna leh a programme kalpui dan tur te ngaihtuah a ni, Dr Lalhlimpuii, State Coordinator UNICEF chuan Power Point hmangin Mizoram leh Mission Andradhanush hnuaia District 4 thlan-Mamit, Lunglei, Saiha leh Lawngtlai District-a naupang hri danna lak dan a sawifiah bawk a ni. Chief Medical Officer Dr Hmingthanmawii pawhin Mission Indradanush kalpui chhung hian naupang kum 2 hnuailam te a kim thei ang bera hri danna pek tum a ni a ti a, naupang kum 2 hnuai lamtena kim taka hri danna an dawn theihna tura hmalakna ah Health Department te tawiawm turin tlawmngai pawl hrang hrang te pawh a sawm a ni.
Mission Indradanush hian a tum ber chu naupang kum 2 hnuai lam ten hri venna kim taka an lak theih nana beihpui thlak a ni a. India ramah hian naupang an kum mila hri danna la kim hi 65% chauh a la ni a, he mission hnuaiah hian kum 2020 ah chuan 90% tal tuam tum a ni.
He meeting ah hian CMO Dr. Hmingthanmawii, Mamit District Hospital DMS Dr. PC Lalliannghaka, District chhunga Medical Officer te, Health Supervisor te, CDPO, SDEO te bakah YMA leh MHIP aiawhte an tel a ni
