Vawiin hian Sechhip District Task Force on Beti Bachao Beti Padhao (BBBP) te chu an Chairman Pi Sangchhin Chinzah, Serchhip Bawrhsap ni bawk hovin an thukhawm a, BBBP hmalakna Serchhip District a kalpuina atana sawrkar laipuiin sum a rawn pek a taka kalpui dan tur ruahmanna an pawm.

Pi Sangchhin Chinzah chuan, Central Scheme tha leh hlu tak BBBP Serchhip District in a dawng chu lawmawm a tih thu leh a kalpui dan tur Action Plan te pawh a tha tawk hle a a hriat thu sawiin, a taka thawhna tur sawrkar laipui lami 50% min rawn pe fel ta a. Line Department ten kan chanpual theuh te tha taka kan tih a tul dawn a ni, a ti a. BBBP kalpui tha, India ram huap pawha a titha lawmman dawng tlak ngeia beih kan tum dawn nia, tiin member te a fuih a. Hmalakna tinreng te Documentation tha taka neih tur a nih avangin Department tinten an hmalakna tur apiang DIPRO hnenah mumal taka thlen zel turin a hrilh bawk.

Beti Bachao Beti Padhao Scheme hi Serchhip District tan kumin 2018-19 ah pek a ni a, a taka kalpui a nih theih nan District Task Force (DTF) din niin DTF hian Action Plan a siam ta a. Chu Action Plan chu Central ah, Ministry of Women & Child Development ah thehluh niin an ni hian an lo pawm  ta a ni. He Scheme atana sum ruahman Rs. 50 lakh atangin tunah hian a zatve dawn phawt a ni a, he sum dawn hmasa zawk hmang hian Serchhip District chhungah naupang leh hmeichhiate chawikanna lam Awareness & Campaign chi hrang hrang sawm leh pasarih (17) kalpui a ni dawn  ani.

Vawiina meeting ah hian Serchhip SP Pu R. Sathiyasundaram, IPS, Pu Chuauhnuna, Addl. DC leh member dangte an kal tha hle a ni.