Vawiin khan Govt. Kolasib College Multipurpose hall ah MIFCO Chairman leh Kolasib A/C bialtu MLA ni bawk Pu PC Zoram Sangliana chuan College week a hawng.

Hawnna inkhawmah hian khuallian chuan week chu Pathian ina thiamna leh theihna hrang hrang a pekte phochhuahna hun remchang ani tiin tangkai taka hmang turin zirlai kalkhawm te a chah a. Intihlimna leh infiamna te chu zirlai nunphung leh rilru hrisel put nana thil pawimawh tak ani tiin zirna bahlah loa heng programme te kalpui a  tum nei a lehkha zir a pawimaw thu sawiin, tui zawng leh zir tum chu in anglo mahse mumal taka zirna kawng zawh a pawimawh thu a sawia. Zirlai tan chuan insumtheihna leh mahni inthunun a pawimawh thu sawiin ruihhlo leh mipat hmeichhiatna lakah te insum a, tum ruhna leh taimakna nena lehkha zir chhunzawm a hlawhtling ngei turin kalkhawm zirlai te chu a fuih a ni.

College week ah hian infiamna leh thil hrang hrang hmangin zirlai te an inel dawn a, tunkar chhung zawng a awh ang.