735/2026-2027

Lawngtlai, the 27th May, 2026 : Vawiin dar 4:00 PM khan Deputy Commissioner's Office Chamber, Lawngtlaiah Bawrhsap Pu Donny Lalruatsanga kaihhruainain 'District Transformation Plan for Lawngtlai District'  thutkhawmna neih a ni.

Pu Donny Lalruatsanga chuan kalkhawmte hnenah lawmthu a sawi a. Mizoram Sorkar in District-  tin hmasawnna atan  cheng nuai 100 pek a nih thu tarlangin, Deputy Commissioner Office leh Concern department - ten hmasawnna hnathawh  an kalpuk ang a ti. Mizoram sawrkar atanga sum dawn te hmanthat a, thawh that  a nih chuan nakumah hmuh leh tur a ni tih sawiin, tha leh uluk  thei ang bera thawh a pawimawh dawn hle a ni, a ti. Lawngtlai District tana ruahmanna  siamah  a chhawrtu tam thei tur leh hman tangkai thei tur  thlang a pawimawh tiin theihtawp chhuah a nih tur thu a tarlang bawk. 

Thutkhawmah hian thil pawimawh tak tak relho a ni a. Lawngtlai Khawpui lunlai leh kawtthlerah 'Road Signage' dah tur a tih niin, Line Department atangin District Horticulture Department - hnuaiah Farmgate, Collection Unit/Hut Phaikhang Zau (KMMTTP) ah  thawh tur niin, Estimate siam fel tawh a ni a. Education Department- kaltlangin  zirna In  tihchangtlun ni se, a hma lama estimate thehluh thuai ni se an ti a. Lairam Nursing School tan Computer Set -10, Medical Superintendent hnuaiah Mobile Medical Unit - Bolero Camper 4x4 Long Body Modified lei turte, X- Ray Building/ Room Sangau PHC a  sak turte, Public Garbage Disposal - TATA 610 SK Truck pahnih Sanitation Department, LADC tana lei turte, CCTV hi Areopagy -4, AOC -4, Electric Veng- 3, Chandmary-  3 leh Vengpui-3 dah tura tih niin, Studs Light - hi Areopagy,  Bazar venga dah tura tih a ni bawk. District Transformation - atan hian sum hmuh tawh a nih angin  a hma thei ang ber a hmalak leh  hnathawh tan ni se tih a ni.

Thutkhawmah hian  'District Transformation Plan for Lawngtlai District'  Member- te an tel kim tha hle a, Pu Donny Lalruatsanga chuan lawmthu sawiin thutkhawm hi a khar.