Vawiin Ni 11th November, 2011 hian Additional DC Room-ah Pu A. Biaklawma Additional DC Mamit kaihhruaina-in District Water and Sanitation Committee, Mamit District an thukhawm.

He Committee thutkhawmna-ah hian Mamit District chhunga Committee hmalakna hrang hrang hnathawh tawhte leh hmachhawpte, Er Lalsiamliana EE, PHE Mamit, Member Secretary in report pe-in report-a a lan dan chuan BPL Family chhungkaw 4221 tan inthiarna siamsak tawh niin, APL Family chhungkaw 2000 tan inthiarna siam sak an ni tawh thute, Vantlang inthiarna ( Sanitary Complex) 45 siam tawh a nih thu te, Sikul ah inthiarna mipa leh hmeichhia tan 352 siam anih tawh thute leh Balwadies ah inthiarna hmun 100-ah siam sak a nih tawh thu te ngaihthlak a ni a. Heng atan hian sum Rs 33,95,064/- hman ni-in Beneficiaries 27,440 an awm bawk a ni.

District Water and Sanitation Committee Mamit chuan Faina leh thianghlimna lama Mamit District in hma a sawn theih nan Village Level Sanitation Committee chu changtlung zawka kalpui ni se tih a rel bawk a ni.

He Meeting-ah hian Committee Members te an tel tha hle a ni.