2796/2026-2027

Aizawl, Khuangchawi Thla ni 23, 2026: 2026 Diwali Festival chu kan lo thleng leh dawn ta a. Heng hunah te hian halpuah leh halmawi chi hrang hrang te hal thin a ni. Amaherawhchu kan hriselna te a inchen lo a, thenkhat tan a ri ringawt pawh hi phut zawk zawk na tham a ni a. Lung lama harsatna nei tan phei chuan thil pawi tak a thleng thei a ni. Boruak a tihbawlhhlawh nasat thin avangin damlo leh upa lam te tan harsatna tam tak a siam thei bawk a ni.

Chuvangin, Er. Lalhriatpuia, District Magistrate, Aizawl District chuan Section 163 of BNSS, 2023 thuneihna hmangin, halpuah leh halmawi vanga ri bengchheng leh boruak bawlhhlawh laka Aizawl District mipuite kan him theih nan khuahkhirhna thupek hetiang hian a chhuah;

"Aizawl District huamchhungah halpuah, halmawi leh a kaihhnawih eng chi pawh lak luh, kawl, zawrh leh hal khap tlat a ni"

He khuahkhirhna thupek hian chhuah a nih atanga thlahnih (2 months) chhung a huam anga. Zawm lo an awm a nih chuan Section 223 of BNS, 2023 hmangin hremna lek theih a ni ang.

He thupek hi vawiin 23^rd October, 2026 hian District Magistrate Seal chhut hnanin, hming a ziah hnan.