3787/2022-2023

Champhai, the 8th March, 2023: District Legal Services Authority (DLSA) Champhai buatsaihin vawiin khan International Women's Day 2023 pualin Tlangsamah hun hman a ni a. He hunah hian hmeichhiate'n inchhungkhura hleihlenna an tawrh thin tih tlem dan tur leh mipa leh hmeichhe intluktlanna chungchang zirho a ni.

District Legal Services Authority Champhai huaihawta Tlangsama International Women's Day puala hun hman hi Pu V.Vanlalhriata, Secretary, DLSA Champhai chuan a kaihruai a. Zirtirna petu Pi Vinty Vanneihtluangi, Advocate chuan thu sawiin, hmeichhiate hi khawvelin a ngaihsak a, India danpuiin kan chanvo leh kan nihna a humhim dan te, kan mawhphurhna leh kan pawimawhnate hi kan hriat chian a ngai em em a ni, a ti a. Mizo society-ah chuan In chhungkhur hi zirna in hmasa ber a nih avangin mawhphurhna sang ber chelhtute chu hmeichhiate hi kan ni, a ti bawk.

Pi Vinty Vanneihtluangi chuan Domestic Violence Act chu chhungkaw thendarhna tur ni lovin chhungkaw inrem thei lote rem tirtu zawk a nih thu sawiin, dan kan hriat chian chuan hmeichhiain inchhungkhura hleihlenna a tawh thinte hi a reh tawh dawn a ni, a ti a; hmeichhiain in chhungkhurah tihduhdahna a tuar a nih chuan service provider emaw, proctection officer emaw, magistrate hmaah a dikna chanvo humhim turin a harsatna tawhte a thlen thei a ni, a ti bawk.

International Women's Day pual hun hmanah hian MHIP member-te an kalkhawm a, sawihona hun hlawkthlak tak hman a ni bawk a. Pu PC Vanlalruata, DLSA Staff-in lawm thu sawiin hun a khar a ni.