3254/2024-2025

Aizawl, the 28th November 2024 : Vawiin chawhma khan Pi K.Lalrinzuali, Secretary , DM&R chuan Sairangah Ministry of DoNER atanga sum hmuh, Rs 115 Lakh hmanga sak, Tuilian avanga chhiat tawk te  tawm himna tur, Safe House a hawng.

Pi K.Lalrinzuali chuan Kum 2017 May – July inkarchhung a ruahnasa taka  a sur avanga Mizoram hmun hrang hranga chhiatna thleng avanga Central puihna Memorandum for Seeking Central Assistance thehluh a nih thu te, Kumin May thlaa Cyclone Remal avanga chhiatna nasa tak thleng avangin Memorandum for seeking Central Assistance from NDRF amounting to Rs. 115 Crore thehluh belh a nih thu te a sawi hmasa a. Tunah hian DoNER hnuai atangin “One time Central Assistance for Rebuilding totally damaged / washed away infrastructure during floods in 2017” ah Rs. 1483 lakhs hmuh a ni tawh tih a sawi.

MDoNER in tanpuina a rawn pek hi Project  component pathum –

(1) Road & Bridges   -  Rs. 815 lakhs,

(2) Agriculture & Allied Sector   -  Rs. 333 lakhs -

(3) Social Infrastructure   -  Rs. 335 lakhs  ah then hran a ni tih a sawi a. Social Infrastructure component hnuaiah hian Recontruction of Safe House at Sairang lehTlabung te leh thildangte a awma, Tlabunga mi pawh hi sak zawh tawh niin hawn mai theih tawh a ni a ti.

DM& R Secretary chuan Safe House hman tangkai dan tur pawh Sawrkarin a duang tawh a, a awmna hmun Sairang khawtlang te pawh uluk taka he hmunhma pawimawh tak hi Sawrkar enkawlpui tur leh a neitu chan chang thiam turin a ngen bawk a ni.

Sairangah Safe House hawn Tharah hian  khum 20 a dah theih a.  Khuarel chhiatna, abikin Tui lian avang chhiatna a lo thlen thulha in leh lo chan te tana riahluhna tura duan a ni a. Luah ngai lova awl lai chuan Safe House hi DM&R lam chuan training neihna hmun atan hman remchan a tum a ni.

Safe House, Sairang hawnna inkhawm hi Pu Vanrengpuia, Director, DM&R in a kaihruai a.Technical Report Pu C.Lalenkawla, Sr EE in a pe a. Safe House chungchang leh neih a tulna te Dr Lalrokima Chenkual, DD, DM&R in a sawi a. Sairang khawtlang aiawh in Chairman, Joint  Village Council in thu a sawi leh a. Pu K.Lalkroschhuanga, DD, DM&R lawmthu sawiin huntawp a khar thung.