1994/2024-2025
MIPUITE HNENA NGENNA
Aizawl the 10th September, 2024 : India khaw chin thlirtu, India Meteorological Department (IMO) Bulletin No.13(BOB/04 /2024) dt. 10.09.2024 tar lan danin kum 2024, September ni 10 atanga ni 13 inkarah hian India ram hmun hrang hrangah ruah sur chhunzawm zel turin a tarlang a. Mizoramah ngei pawh ruah hi sur theiin, a bik takin September ni 12 leh 13, 2024-ah phei chuan nasa taka sur thei niin a tar lang.
Chuvangin, leimin leh chhiatna hrang hrang thleng thei lakah mipuite fimkhur theuh turin kan inngen nawn leh a. Mahni in leh a vel a tui kal dan te ennawnin, leimin hlauhawm leh chhiatna lian tham thlen thei awm a awm chuan thuneitute hnenah a rang lama hriattir zel turin mipuite kan ngenin kan hriattir bawk a ni. Tin, Ruahsur nasa avanga kawng hrang hranga harsatna awm theiah, sawrkar department hrang hrangte mahni mawhphurhna theuh hlen tura theihtawp chhuah turin kan inngen nawn leh bawk e.
