Disaster Management & Rehabilitation Minister Pu C. Ngunlianchunga chuan nimin (25.9.2014) khan a pisa-ah Central YMA hruaitute nen inkawmna hun hmangin, vanduaina a lo thlen palha inchhanchhuahna hmanrua - tui tla an awm a, lui dunga zar tur net pali (metre 10) leh Tlawng lui kama Information Centre sakna tur cheng nuai 6.71 a hlan.

Thilpek inhlanna hun hi DM&R Joint Director Pu Lalhmunsanga Hnamte in kaihruai a. Minister chuan Central YMA nena thawhhona tha tak an nei thin chu lawmawm a tih thu leh, hun lokal zel turah pawh hmalakpui zel atan a sawm a. YMA leh DM&R tangkawpin State Disaster Response Force (SDRF) training zo mi 602 an awm tawh thu sawiin, a tul anga training pawh chhunzawm zel a nih tur thu a sawi a. DM&R Department hi silpauline sem tur ringawt an nih loh thu Minister hian sawiin, chhiatrupna a thlen loh nan a theihtawp chhuah a, mipuite thlamuan tur anih zawk thu a sawi a ni.

CYMA aiawha thilpek dawngtu Treasurer Pu J. Lalsailova chuan sorkar hmalaknaah lawmthu sawiin, an thilpek dawnte chu tangkai taka an hman tur thu te sawiin, Information Centre sak a nih chuan vanduaina a thlena tlawmngai pawl thawk chhuakte tan a tangkai tur thu a sawi bawk.