3183/2023-2024

Aizawl, the 28th December 2023: Ni 28, December, 2023 chawhma dar 11:00 AM khan Directorate Disaster Management & Rehabilitation, Chawnpui-ah Disaster Management and Rehabilitation Department in chhiatrupna lo thlen thulha hmanraw tangkai– Search & Rescue equipment chu State Disaster Response Force leh NGO te hnenah sem chhuahna hun hman a ni a.He hun hi Pu Benjamin Lalzama, Director, DM&R in kaihruai a. Pi K Lalrinzuali, Secretary, Disaster Management and Rehabilitation Department chuan khuallian niin he hun hi a hman pui a ni.

Pi K Lalrinzuali chuan SDRF leh NGO te chu chhiatrupna a lo thlen thulhah heng equipment te hmang tangkai a, tanpui ngai te tanpuitu ni thei turin theihtawp chhuah zel turin a chah a. SDRF headquarter ah Equipment te hi uluk taka enkawl a tuai hnum tha a, mamawh hunah lak chhuah mai theih turah dah turin a chah bawk.

He function-ah hian Mizorama  Police Battalion pasarih atang te leh Central YMA atangin lo kal khawm ten  thu an sawi hnuah Search & Rescue equipment pekchhuah te chu Secretary, DM&R in a vai liam.