Vawiin  chawhma khan Directorate of Health Services Con­ference Hall-ah tun hnaia Sawrkarin Doctor  a lak thar mi 31-te tan ni 4 awh, Induction Training neih tan a ni.

Dr.F.Lallianhlira, Principal Director, H&FW chuan training hawnna thu sawiin Doctor lak tharte pualin lawmpuina leh fuihna thu a sawi a. Doctor te chu an awmna hmun theuhah nelawm taka awm a, khawtlang hruaitute leh mipuite nena inkungkaihna tha tak neih tum turin a fuih a. An bial chhungte fan kual taima tur leh Sub Centre thawktute nen inpawh taka thawk turin a chah a ni.

Doctor lak thar te puala  Induction Training hi Dr.Lalchungnunga, Director, DHS in a  kaihruai a.

Dr.Eric Zomawia, Mission Director, NHM leh Dr.T.Lalhmangaihi, Di­rector, DHME te'n fuihna thu an sawi a. Training chhung hian Mithiam sawmbik ten Doctor rual hi   Office Procedure, Job Re­sponsibilities, Finance leh Office Matters chungchangah training an pe  dawn a ni.