Vawiin khan Directorate of Health Services Office-ah Doctor rual te chu  tunlaia thenawm state Assam a Japanese Encephalitis (JE) hri leng mek chung chang sawihona an nei a. He hrileng laka Mizoram mipuite an himna tura hmalak leh mipui zirtirna pek an rel a ni.

Tun dinhmunah  Mizoramah JE natna vei an awm hriat a la ni lo chungin  thenawm state- Assam-ah a len mek avangin mipuite himna tur leh in an kai lohna tura a theih ang anga hmalakna tur an rel zingah  -  zau zawka thawktu leh mipui zirtirna pek te, JE vanga damlo ni a rinhlelhte thisen test te, those pian theihna ti tlem tura chak taka hmalak bakah mimal invenna atana thil tulte neihna tura hmalak   bakah a tulna hmun bik deuh a ngaih te zawn chhuah a thosi hlo kah  an rel a ni.

Tun dinhmunah Assam-ah hian JE vanga thi zat  chu mi 51 tling tawhin mi 200 chuangin JE an kai tawh anga chhinchhiah a ni a. JE thehdarhtu hi Culex  Thosi, Mizorama Thosi tam ber ang chi an ni a. Mihringin Japanese Encephalitis a kai chuan   khawsik sang tak lo nei thutin rilru hriatna a chawh buai bakah tlun te pawh a siam thei a. Japanese Encephalitis hi culex thosite hian vawk leh ran dang bakah tui savate atanga kaiin mihringah an thehdarh leh chhawng thin a ni.