Vawiin chawhma dar 11 : 00 AM khan Don Bosco School, Siaha-ah State Council of Educational Research and Training (SCERT) leh District Education Office (DEO) te tangkawp in an buatsaih “Career Conference, Siaha District “ chu hlawhtling taka hman a ni.

He Conference hi Father Suman Kiro SDB, Principal, Don Bosco School chuan a kaihruaia, Pu Lalzuiliana, District Education Officer chu Khuallian a ni. Sawihawnna leh kalkhawmte chawnglawmna thu bakah Programme buatsaih anih dante Chairman in a sawi hnu-ah thu sawiin khuallian chuan zirlaite chu an hmathlir fel fai tak nei tur leh tum mumal tak nei chunga lehkha zir turin a chah a, taimakna, tumruhna leh huaisemna nena lehkha zir turin a fuih bawk. Pi Caroline Zoramthangi, VGO, SCERT, Aizawl pawhin thu sawiin zirlaite chu tum mumal tak nei chunga lehkha zir tur leh Pass satliah mai nilova tha taka pass tum turin a fuih bawk.

He Career Conference-ah hian zirlaite an zirna tanpui theitu tur leh an hmathlir tan a tangkai tur zirtirna “Power Point Presentation” hmanga entir a ni. He Career Conference ah hian Donbosco School, Govt Higher Secondary School leh Govt Siaha High School, Siaha atangin Class-X zirlaite an tel thahnem hle a ni. Pi Lianhlupuii Hnamte, Lecturer, SCERT pawh in he hunah hian lawmthu sawina neiin he Career Conference programme hi a titawp a ni.