Vawiin khan Kolasib District a ramngaw leh nungcha humhalh kawnga hmalak dan tur sawihovin Pu R.Lalremsanga, Addl.DC kauhruaiin a pisaah Mizoram Environment & Forest Consultation Forum (MEFCOF) , sorkar official te leh NGO te an thukhawm.

Vawiin meeting-ah hian Zotheihuan siam a nih theih nan hmalak dan tur te sawi niin, hemi chungchanga hmala turin District Level Committee leh Village Level Committee din a tuaithar ni se tih a ni.

MEFCOF President Pu V.L.Bela chuan MEFCOF hmalakna hnuaiah ramngaw leh nungchaw humhalhna tur leh tuihna tihpun nan ram humhalh “Zotheihuan” Mizoram a khaw 50-ah siam a nih tawh thu sawiin, khua zawng zawng-ah din tum a nih thu a sawi a. MEFCOF hi April 2015 khan NLUP Implementing Agency-ah dah a ni a, hmasawnna thang zelin ramngaw leh nungcha te tihral loh nan hma an la a ni. Zotheihuan hi khawtlang hruaitute remtih kimna chauha din a ni a, khawtlang mi ten enkawltu insiamin an enkawl zui a ni.

Tun dinhmunah hian Kolasib district-ah Zotheihuan pathum (3) 90sq.km a zauah- N Chaltlang Zotheihuan, Sakawrhmuituai Zoitheihuan, Lungdai leh Serkhan Zotheihuan, Serkhan; siam a ni tawh a ni.