National Higher Education Mission, ‘Rashtriya Uchchatar Shiksha Abhiyan (RUSA)’ hnuaia India ram State hrang hrang-a Project zawh tawh 10 chu Video Conferencing hmangin Pi Smriti Zubin Irani, Hon’ble Minister, Human Resource Development chuan June ni 3, 2016( Zirtawpni) khian a hawng (Launch/inaugurate) dawn.

Heng project 10 hawn tur zingah hian Govt. Zirtiri Residential Science College (Govt.ZRCC), ‘Language Laboratory’ pawh a tel a, RUSA Equity Initiatives hnuaiah hian Mizoram State Govt. Colleges 24-ah Language lab siam turin hma lakna a kal mek a, chung zingah chuan Govt. Zirtiri Residential Science College Language Lab. chu Central lama RUSA hotuten an beisei angin hawn tur Project 10 zing-ah hian telh a ni.

Video Conferencing hmanga Project hawnna programme hi Pu Lalsawta. Finance Minister bakah Higher & Technical Education Officials, Aizawl D.C, NIC Officials, College Principals leh Govt. ZRCC Zirtirtute leh Zirlai-te an tel dawn a ni. Ministry lama thuneitute beisei angin Language Lab. awmna hmun ngei-ah Video Conferencing tih theihna khawl dah a ngai a. NIC, ICT leh Taxation Dept. leh BSNL -ten tunah hian theihtawp chhuahin an buaipui mek a ni.

He programme hi webcast.gov.in/mhrd or mhrd.gov.in ah entheih a ni.