3600/2022-2023
Aizawl, 15.02.2023: Vawiin chawhnu khan DoNER (Development of North Eastern Region) Minister Pu G. Kishan Reddy chuan Chief Minister Pu Zoramthanga video conference-a kawmin, DoNER kaltlanga state hmalakna hrang hrang chungchang an sawi a ni.

He meeting-ah hian sawrkar kum 2022-23 atana budget expenditure chungchang te, hmarchhak state-te tana investment summit buatsaih tum atana hmalakna te, G-20 summit atana inbuatsaihna te, North East Industrial Development Scheme (NEIDS) chungchang te, CNA fund system atana inbuatsaihna te, PM Devine hnuaia project chungchang leh adangte sawi a ni a.

DoNER Minister hian vawiin hian Assam, Arunachal Pradesh, Manipur leh Sikkim state hruaitute a kawm bawk a. Chief Minister Pu Zoramthanga hi Chief Secretary Dr. Renu Sharma, Planning & Programme Implementation Secretary Pu Lalmalsawma Pachuau, Principal Adviser-cum-Additional Secretary Dr. Lalrinchhana leh official dangte an tel a ni.