Vawiin Zinglam dar 10:20 khan Pu Paban Singh Ghatowar, DoNER Minister chuan Lawngtlai Helipad ah tum in,Thingkah to Chawnhu (Lawngtlai By-Pass Road) Lungphum a phum.
Helipad ah hian Lawngtlai DC Pu B.Lalhmingthanga, LADC CEM Pu C. Ngunlianchunga leh Sawrkar mi pawimawh ten hmuak in, Helipad atang hian By Pass Road lungphumna hmun FCI Godown lam ah kalnghal in, Lungphum a phum rual hian he kawngpui hian Lawngtlai khawpui tan kawng chep a tih zia aawm ngei theih ka beisei a ti. He mi zawh hian Lawngtlai Bazar Areopagy ah Public Meeting neih nghal a ni a, DoNER Minister chuan," Mizoram hi ram ralmuang leh zirna lam a hmasaawn tak a ni a, sorkar-in chak tak in hma a sawn mek a ni tiin, India ramah hnam hrang hrang kan awm a, Culture hrang hrang nei kan ni a, heng kan culture te hi kan hnam chawitu an nih avangin i hlut thiam ang u tiin, Lawngtlai District tana hmasawnna hrang hrang Central sawrkar in hma a lak mekte tarlang in, Lawngtlai Greater Water Supply Scheme atan Crore 25.65 te, Govt. Lawngtlai College tih changtlun nan Crore 1.36 te, Lawngtlai Town Upgradation atan 11.81 Crore te, Lawngtlai By Pass Road Kilometer 13 a thui laih nan 11.84 Crore leh Lai Students Hostel Aizawl a sakna tur atan 5.97 Crore te hi peih anih tawh thu a sawi a, North East tan bik a hmasawnna Project siam ah Mizoram chu a chang tam ber in nih avangin ka lawmpui che u a ni a ti a. DoNer Minister chuan a sawizel na ah Lawngtlai district chhunga School Building Phaase II atan 11.32 Crore leh Hospital sak nan 25.00 crore sanction mek anih thu a sawi bawk. Heng hmasawnna thawhna tur atan a sum lokal te hi NLCPR leh NEC atang te a thawh an nih dawn thu a sawi bawk.
Chief Minister Pu Lal Thanhawla pawhin thusawiin, "Mizoram a awmte hi tumah in hmu hniam tur bik kan awm lova, kan intluk tlang vek a, hmasawnna pawh rualkhai tak a kalpui a ni mek a ni a ti.
He hun h hian LADC CEM Pu C. Ngunlianchunga chuan DoNER Minister in Lairam a tlawh chu lawmawm a tih thu sawiin, Central sawrkar in hmasaawnna tur a sum tam tak seng a Lairam a hna a thawh mek avanga lawmawm a tih thu a sawi bawk.
DoNER Minister hi Chief Minister te nupa bak ah Home Minister, PHE Minister, UD & PA Minister leh DoNER Secretary ten an tawiawm a ni. Lawngtlai a hun a hman zawh hian Chawngte lamah a thlawk lehnghal a ni.
