2572/2026-2027

Champhai dated the 8th October, 2026 : Union Minister of Development of North Eastern Region (DoNER) Pu Jyotiraditya Scindia-an Champhai District a tlawh tur chungchangah District Bawrhsap Pu Mohammad Aaquib hovin inbuatsaihna leh ruahmanna hrang hrang sawihoin DC Conference Hall, Keifangtlangah meeting neih a ni.

Ruahman dan chuan DoNER Minister Pu Jyotiraditya Scindia hian October Ni 13 (Thawhlehni) zingah MZU Aizawl aṭangin Champhai a pan ang a. Zokhawthar ramri tlawhin khawtlang hruaitute leh Assam Rifles-te nen inkawmna an nei ang. Chumi hnuah IIDC, Zote, Champhai-ah North Eastern Council (NEC) sum hmanga sak ‘Creation of Passion Fruit Processing Unit’ a hawng ang a, sapthei chingtute a kawm nghal ang. Hemi hnu hian Mualnuamah Hnahsin Kut (Cosmos Festival) hmanpui lehin, zanah Hnam Lam leh Zai entirna (Cultural Evening) a hmanpui dawn a ni.

Vawiin meeting-ah hian Champhai District-a Heads of Offices, Commanding Officer, 14 Assam Rifles (Champhai leh Zokhawthar), Sub-Hqrs YMA leh Sub-Hqrs MHIP President-te, MJA President leh Hnahsin Kut Organising Committee aiawhte an tel a ni.