2571/2026-2027

Lawngtlai, 8th October 2026: Vawiin khan 'Lawngtlai District Level Solid Waste Management Rules 2026 Committee' chuan an Chairman leh bawrhsap nibawk Pu Donny Lalruatsanga kaihhruaiin DC Conference Hall-ah thutkhawm an nei.

Pu Donny Lalruatsanga chuan Member - te chibai bukna neiin 'Solid Waste Management Rules 2026' tha taka kalpui mek a nih thu a  sawi a. Supreme Court Order 5/5/2026- a chhuakin October, 2026 hmain khawpui chhunga cheng 30% leh Thingtlanga cheng 15% te 'Ward Practicing 4 way Source Segregation' a taka tihlawhtling tura a phut angin; Lawngtlai khawpui chhunga Veng Pathum leh Lawngtlai, Bungtlang South, leh Sangau RD Block - a khaw - 26 leh Chawngte RD Block - a Kamalanagar -I,II,III & IV - ah te theih ang anga kalpui niin, hmalak mek zel a ni, a ti. Mumal taka bawlhhlawh thliar hran chu Zirna In, Sawrkar Office, Institutions leh Damdawi Inah te kalpui mek a ni a, August thla atang khan Awareness Campaign bakah '4 Ways Source Segregation' hi a remchan leh theih dan ang anga kalpui tan a nih thu a sawi bawk.

Thutkhawmah hian thil pawimawh tak tak sawiho a ni a. Sawrkar Office, NGOs Office, Educational Institutions, Banks leh Commercial Areas - ah te chi lia bawlhlawh thliar kalpui mek chu endik hna kalpui tan ni se, ni 16 October 2026 atanga tan ni se  tih a ni a. Khawpui chhunga endikna neih dan tur chu hetiang hian duan a ni -  Sawrkar Offices, NGOs Offices, Banks,- MJA;   Educational Institutions- UD&PA; Commercial Areas- Sanitation Department, LADC; hemi zulzuia hian Block Level - ah pawh hmalak ni se an ti a ni.

Lawngtlai khawpui chhunga Veng - 12 tan  chi lia bawlhlawh thliarhran chu kumin October thla atang kalpui tanin a tahtawla kalpui ni se an  ti, a. Hemi atan hian VC- te koh khawma  sawihona neih ni se, chi lia bawlhhlawh thliar dan inzirtirna 'Short Video's siam ni se an ti bawk a ni. Home Composting / Compost Pit-  nei tura hmalak ni se, Khawpui chhungah  Chawnhuah bul tan ni se Lawngtlai District- a   RD Block paliah kalpui nibawk se an ti a.   Zirna In tin ten Compost pit - an neih theih nan hmalak ni se an ti bawk a ni. Khawpui chhunga hmalakna hrang hrangte endik turin UD&PA leh Sanitation Department LADC - te ruat an  ni. Single use Plastics - hman tihtlem tha tih niin,  Sawrkar, Tlawmngai Pawl, Kohhran leh puipunna hmunah te Single Use plastic hmang lo tura hmalak ni se an ti bawk a ni.

Vawiin hun hmannaah hian Lawngtlai District Level Solid Waste Management Rules 2026 Committee Member- te an telkim tha hle a, bawhrsap chuan lawmthu sawiin hun a khar.