73/2023-2024

Aizawl, the 11th April 2023 : Zan khat riaka Mizoram lo zin Sawrkar Laipui Ministry of Development of North Eastern Region (DoNER) Minister Shri B L Verma chuan vawiin khan Lengpui Airport a a tum veleh Lengpui Airport tihchangtlunna hna ‘Improvement/Upgradation of Operational/Non-Operational facilities of Lengpui Aiport’ thawh mek chu a hmunah a en nghal.

Lengpui Airport VIP Lounge a meeting tawite neihah, Minister chuan he hna chungchang a hriatduh hrang hrang project in a huam chin te, hna hrang hrang thawh mekte, hna an zawh beisei hun te PWD hotute a zawt a. PWD Engineer-in-Chief Pu C. Lalchhuana chuan hna hi tluang taka thawh mek a nih thute hrilhin December 2023 ah chuan zawh hman an beisei tih thu Minister a hrilh a. Minister chuan he hna zawh hun hi March 2023 atanga December 2023 pawhsei nimahse October 2023 chhunga zawhfel ni thei se tiin a duh thu a sawi a, hemi atan theihtawp chhuah turin PWD te chu a ngen a ni. Meeting zawhah Minister chuan Lengpui Airport tihchangtlunna hna hrang hrang – Elevated Road, Departure Lounge, Baggage Make Up Area leh adangte a fangkual a ni.

Minister hi GAD Secretary Pu K. Lalthawmmawia; Planning Adviser-cum-Additional Secretary Planning & Programme Implementation Department Dr. Lalrinchhana; Principal Consultant, Aviation, Wing Cdr. (Rtd) J. Lalhmingliana; Engineer-in-Chief, PWD Pu C. Lalchhuana leh PWD, GAD leh Planning Department senior official ten lo hmuakin meeting ah an tel nghal a ni.