Vawiin khan Planning Department chuan DoNER Ministry hnuaia Project kalpui mekte atan Review Meeting a ko a. Ministry of DoNER hian Hmarchhak state hrang hrang tan NLCPR, NEC, SIDF hnuaiah sorkar office building, kawng leh thil dang siam hna nasa takin state kaltlangin a thawk a. State Fund atangin building lian tak tak leh kawng thui tak tak siamna tur pawisa a awm loh avangin hmasawnna ruhrel siamna kawngah he Ministry hian an thawh hlawk hle a ni.

July ni 31 2014 khian New Delhi a heng project hrang hrangte kalpui dan chungchang hi Hmarchhak state hrang hrang aiawhte leh DoNER Ministry aiawhte an sawiho dawn a. Vawiina meeting ah hian Mizoram Sawrkar hnuaia Department hrang hrang hnuaia DoNER Ministry project kalpui mekte thlirho a ni a.

Heng hna te hi a hun takah zawh anih theihna tur leh zawh a la nih theih lohna chhan te zirchiang a, chungte chu Thawhtan(28.7.2014) thleng Planning Department hnenah thehluh nise tih a ni a, heng thu leh hla te chu DoNER MInistry meeting ah thlen a ni ang.