482/2026-2027 

Champhai, dated 12th May, 2026: Pu Sanjay Jaju, Secretary, Ministry of Development of North Eastern Region (DoNER) chuan vawiin khan Champhai District tlawhin hun a hmang.

DoNER Secretary Pu Sanjay Jaju hi Champhai District Agricultural Marketing Committee (DAMC) member leh SCC hruaitute'n an lo hmuak a, Champhai Bawrhsap Pu Mohammad Aaquib chuan sawhthing hralh chungchanga Champhai dinhmun te a sawi lang nghal a. Hemi zawh hian Secretary Pu Sanjay Jaju chuan Champhaia horticulture leh food processing lama hmun pawimawh te leh siam mek te heng - Winery, Zote; Passion Fruit Processing Unit New Champhai; leh Goverment Oak Tasar Seed Farm Tlangsam te a hmunah kalin a enfiah a, heng bakah hian Zomi Cultural Centre & Preservation of Zomi Historical Sites, Tlangnuam Veng a tlawh bawk.

Hemi hnu hian Champhai District a Department hotute kawmna a neih hnuah Aizawl a pan leh nghal a ni. Pu Sanjay Jaju hi Horticulture Secretary Pi Maria CT Zuali'n a tawiawm a ni.