No.109/2020-2021

Ministry of Development of North Eastern Region enkawltu Minister of State Dr. Jitendra Singh chuan nimin khan Ministry of DoNER, North Eastern Council (NEC) leh NEDFi hotute nen video conferencing kaltlangin COVID-19 in Hmarchhak a nghawng dan te, hemi atana an hmalakna leh ruahmanna te a sawipui. Ram pumah kharkhipna kalpui mekah Hmarchhak chu a vil zui reng thu a sawi a. Hmarchhak nghenga ramri boundary kilometre 5500 chuang chu khar vek a nih tawh thu a sawi bawk.

Tarlan tawh angin, Ministry/NEC chuan Hmarchhak state ten COVID-19 hripui dona kawnga chak zawka hma an lak theih nan cheng vaibelchhe 25 a ruahman tawh a. He fund hi untied fund anga hman tura duan niin he sum hian COVID-19 dona a tihchak beisei a ni. He sum hi Ministry in Hmarchhak state-te tana scheme leh project kalpui mek tibuai lova sum a ruahman belh a ni. Hmarchhak state hrang hrang tan sum ruahman dan chu hetiang hi a ni.

Sl . No. State Fund Ruahman zat(cheng vaibelchhia in)
1 Arunchal Pradesh 3.25
2 Assam 5.0
3 Manipur 3.0
4 Meghalaya 3.0
5 Mizoram 3.0
6 Nagaland 3.0
7 Sikkim 1.75
8 Tripura 3.0

Ministry hian Hmarchhaka Health Infrastructure thuamthat nana flagship programme an kalpui mek NESIDS hnuaia ruahmanna siam tura state-te chahin ruahmanna te chu April ni 6 aia tlai lova thehlut turin a hriattir a. Health Sector a project te chu ngaihpawimawh berah neiin an sanctioned vat tur thu an sawi a ni.

Ministry of DoNER leh a hnuaia pawl leh PSU - NEC, NEDFi, NEHHDC, NERAMAC, CBTC leh NERCOMP a thawk te an nikhat hlawh chu PM-CARES ah an chhunglut a. NEDFi in an CSR fund atangin cheng vaibelchhe 2 PM-CARES ah an pe bawk a ni.