No.108/2020-2021

Dr. ZR Thiamsanga, Chairman COVID-19 Medical Operational Team chuan vawiin khan a hnuai ami ang hian Press Statement a siam.

“Tunhnaia COVID 19 enkawlna atana Personal Protective Equipment (PPE) chungchangah hian sawi neuh neuh a tam a, chuvangin mipuite hnenah thil nih dan phung diktak hriattir a ngaih avangin he Press Statement hi siam a ni.

India ramah Covid 19 positive patient kan han neih ve tak ah khan, PPE inchuhna a nasa hle a, keini Mizoram Sawrkar pawhin a hnathawkte an him theih nan rang takin hma ala nghal a.

A hmuh theih dan kawng hrang hrangte dap kual a ni a. Delhi leh Guwahati Mizoram House a hnathawkten theihtawp chhuah a an zawn hnuin engemaw zat kan hmu thei hram a. Mizoram atanga mahni ngei zuk kala, zuk enfiaha, duh thlang thei pawh kan ni lo. Kan hmuh chhun a awm ang ang chu harsa takin chanloh hlauin hmanhmawh takin lak khawm ani ta a. Mizoram a rawn thlenpui pawh a hman hmawhthlak(Emergency) tawh em avangin thil harsa tak ani a. Kan Chief Minister zahawm tak Pu Zoramthanga hma lakna avangin Central Home Ministry leh Civil Aviation Ministry te biain, harsa tak chungin Air lift a ni ta hram zawk a. North East ah phei chuan nei thleng hmasa ber kan ni hial awm e. Chuvangin hetianga hnawhsarum taka kan mamawhna a san em avanga lak khawm anih avangin a tha leh thalo pawh thliar theih anilo a. Heng zingah ah hian duhthusam tlinglo te pawh alo tel nual a. Heng a lo thleng zinga a tha leh him tha tura ngaih ho chu damlo enkawl tute ber hman tur atan dah ani. Duhthu samlo deuhte hi uluk taka kan mithiamte nena en ho a, in rawn chungin a thuam that dan te leh a ha tu turte him theih dan tur berin thuam that mek zel ani.

Ram changkang tak tak a kan ngaih USA leh European ram hrang hrang tuna Covid 19 in a tihbuai mekte pawh hian an duhthusama tha PPE hi an hmuthei biklo ani. Tun hnu zel atan chuan uluk taka a tha thei ang ber ngaituah tum a ni.”