No.6151/2020-2021

Lunglei 16th Oct. 2020 : Lunglei khawpui chhunga Village Council Member te puala Khawpui fai inelna kalpui meka hmalak dan tur inhrilhhriatna Sensitization Workshop on Urban Affairs chu UD& PA Department under Swachh Bharat Mission(Urban) Lunglei buatsaihin Convention Centre, Lungleiah neih a ni. Dr. K. Pachhunga, MLA & Vice Chairman Bamboo Development Board chuan khuallian niin a hmanpui.

He hun hi Pu Andrew Lalhruaia, DUDO (UD&PA) Lunglei in kaihruai a, khuallian Dr. K. Pachhunga chuan thu sawiin kawng hrang hrangah chankanna kawng kan zawh laiin hun rei tak faina kawnga hmalakna ah mipui kan inthlahdah tih sawiin mimal tin ten faina kawnga mawhphurhna kan neih theuhte hlena sawrkar kuta dah mai lo turin kalkhawm te a fuih a ni. A langa fai a pawimawh rualin thinlung hrisel leh thianghlim neih a pawimawh thu a sawi bawk a ni.

Vawiina faina chungchang sawi hona hunah hian Lunglei khawpui chhunga veng hrang hrang VC member te telin faina kawnga hmalak dan tur inhrilhhriatna hun hman a ni a, veng tina tar tur faina chung chang inzirtirna thuziak VC te hnenah hian sem nghal a ni.

Heibakah hian Sawrkar laipui hmalakna hrang hrang, PMAY, NULM, PAHOSS, SBM(U)bakah hna tenau thawh chung chang mithiam thlanbik mi 5 ten an sawifiah na neiin zawhna leh chhanna hun hman a ni bawk.