1140/2023-2024

Lunglei the 14th July, 2023: Vawiin chawhnu khan Lunglei District Rifle Association buatsaihin LDRA Shooting Range Saikuti Hall, Lungleiah 14th Mizoram State Shooting Championship 2023, R. Dengthuama Hall, Mualpui, Aizawl neih zawh taka Lunglei District Rifle Association aiawh shooter medal la te hnenah chawimawina Certificate hlanna neih a ni. Dr. K. Pachhunga, Vice Chairman Bamboo Development Board chuan khuallian niin Certificate hlanna a nei.

He hun hi Pu C. Lalawmpuia, Vice President, LDRA chuan kaihruaiin Khuallian Dr. K. Pachhunga chuan Lunglei District chawimawitu LDRA aiawh a kal shooter hlawhtling ta te a lawmpui thu a sawi a. Silai kap thiam tur chuan mit leh beng that a ngai a, silai kap thiam tan zirna chhunzawm leh hnazawnna ah tangkaina tam tak a awm thu sawiin thalai ten nun kawng an zawh dik theih nan LDRA te hmalam pana Mizoram mai nilo India leh khawvela lang pha khawp a inpuahchah turin a chah a, eng inelna ah pawh ti tha tur chuan rilru pek a ngaih thu sawiin zuk leh hmuam bakah sualna chi tin reng laka fihlim a taimakna leh tumruhna nena hmalak a ngai a ni a ti. Mizoram sorkarin infiamna ruhrel tih changtlun nan hmalakna a kalpui mek a Lunglei District ah pawh hmalakna tam tak thalai ten an chhawr tur kalpui a nih thu sawiin Lungleiah pawh Running Track siam anih tur thu a sawi bawk a ni.

14th Mizoram State Shooting Championship 2023 ah hian LDRA aiawhin shooter 13 telin a pumpuiah 3na niin 7 Gold, 1 Silver leh 3 Bronze Medal an la a ni.