November ni 26, 2019 (Thawhlehni) khan Excise & Narcotics, Social Welfare leh Veterinary & Animal Husbandry Minister Dr. K. Beichhua chuan Aizawl daia phalna nei lova zu siamna a hmunah a tlawh a, Ruihhlo ngaite chhanchhuahna hmun - Operation Kingdom Ministry (OKM) Home, Phunchawng a tlawh nghal bawk. Minister hi Pu Ngurchungnunga Sailo, Excise & Narcotics Commissioner leh officer dangten an tawiawm  ni.

Excise & Narcotics Minister Dr. K. Beichhua chuan Rangvamuala Excise & Narcotics Outpost a tlawh a, hnathawktute kawmin Zu leh ruihhlo dona kawnga rilru leh theihna zawng zawnga thawk zel turin a fuih.
     
Minister hian OKM Home-a awmte tlawhin taksa leh thlarauvah chak taka awm a, sawrkar leh Pathian ram zauna atan intichak turin fuihna.thu a sawi a, an mamawh angte a theih anga ?anpui a tiam a ni.
      
26th November 2019 (Thawhlehni) khan Excise & Narcotics Dept chuan Phungchawng leh a velah rakzu 540 litres leh zu bilh lai tin 2284 leh a siamna bungbel engemaw zat an man a, Zu siamna factory 40 vel tihchhiat a ni.