Dr Lalrozama IAS, District Bawrhsap chuan nizan khan Rajiv Nagar-ah Chakma Festival lian leh ngaihhlut hlawh ber Biju Festival vawi 7-na khuallian niin a hmanpui.

Khuallian District Bawrhsap chuan Chakma unaute kumthar lawmna Festival ngaihlut hlawh tak telpui theia a awm chu lawmawm a tih thu sawiin eng hnam, Sakhua pawhin kan hnam nun kan chawinuna kan vulh len zel chu hnam hmasawnna leh changkanna a nih thu a sawi a, Chakma unaute chu Mizorama chengho kan nihna angin intaina, inelna leh inhmelmakna awm lova lungrual taka khawsa ho tur kan ni a ti, chumi chawinung tur chuan kan theihna zawn theuhah hmala zel turin kalkhawmte a sawm a ni.

Biju Festival hi Rajiv Nagar leh a chhehvel khua-a Chakma hnamte chuan hmunkhatah an hmangho a ni.

District Bawrhsap Dr Lalrozama, IAS hi a nupuiin tawiawmin Biju Festival pual hian Bawrhsap-te nupa hian thilpek an hlan a ni.