3231/2023-2024

Lawngtlai dated 5th January 2024: Vawiin chhun khan DC Conference Hall, Lawngtlaiah Dr. Lorrain Lalpekliana Chinzah, Adviser to Chief Minister, Lawngtlai East Assembly Constituency bialtu MLA chuan Lawngtlai district chhung a Sawrkar Office hrang hranga hotute kawmna hun a hmang a. Sawrkar langtlang siamna kawng ah leh eirukna leh hlemhletna dona kawng ah kalkhawmte chu thawhpui ah a sawm a ni.

Adviser to Chief Minister Dr. Lorrain Lalpekliana Chinzah chuan Lawngtlai district chu Sawrkar ang a inrelbawlna ṭhuang hnih a kal a nih angin hmasawnna hna chu ṭanrualna boruak ṭha tak hnuai ah kalpui a pawimawh thu a sawi a. Mipui hriselna (Health), Zirna (Education) leh Agriculture tihhmasawnna tur a hmalak chu ngaih pawimawh zual a nih tur thu a tarlang. Adviser to CM chuan sawrkar thar kalpuina kawng ah hmasawnna sawt leh awmze nei zawk a kalpui a nih theih nan Office hrang hranga hotute chu finchhuahtu leh thurawn petu ni zel tur a ngenin office inrelbawlna kawng a harsatna an neih ang angte chu ama hnen a thlen ṭhin turin a chah a. Hmasawnna hna hmachhawp awm mekte leh Office hrang hranga thawktute dinhmun chu DC office kaltlangin ziak a thehlut turin kalkhawmte a hrilh bawk a ni.

Thutkhawmna hi Pu Abraham Beirazi Khithie, Addl. DC in kaihruaiin Lawngtlai district chhung a Office hrang hrang hotute leh thutharlakhawmtute an tel a ni.