1729/2026-2027

Lawngtlai, 11th August, 2026: Vawiin khan DRDO, Lawngtlai buatsaihin "Sensitization of Elected representatives and three tier of Panchayati Raj Institutions Vikshit Bharat-Guaranteed Rozgar & Ajeevika Mission Gramin" chu DC Conference Hall-ah neih a ni a,  Dr. Lorrain Lalpekliana Chinzah, MLA Adviser to Chief Minister (H&FW, A&FW) leh Lawngtlai East bialtu MLA nibawk chuan Khuallian nia hmanpuiin, Pu David Lalrinawma, Addl.DC chuan hun a kaihruai.

Dr. Lorrain Lalpekliana Chinzah, chuan LADC leh  CADC atanga  EM leh MDC te leh VC  te chibai bukin, VB-G RAM G kaltlanga  Khawtlang hmasawnna tluantling a thlen theihna turte  zirchian a, tha taka hnathawh a nih theih nan theih tawp chhuah  a pawimawh takzet  a ti a. EM, MDC leh VCs te khawtlang hmasawnaah thawhho a tul hle tiin,  VB-G RAM G Act, 2025 ngaipawimawha a 'Guidelines'  mil zel a thawk turin a chah bawk a ni. MLA chuan Sawrkarlaipui Scheme hrang hrangte chu Perfomance based - a  kalpui thin niin, performace-  a that chuan  hmasawnna tur scheme hmuh zel a ni ang a, performace - a that loh chuan a tawp thei a ni tiin, a thawh that kawngah tan lak thar a tul hle a ti.  area nih kan tum tur a ni a ti. Lawngtlai  District- in LADC leh CADC kaltlanga  revenue hmuhte a la beithamin,  hmasawnna hnathawh atana  hman tur a tam lo hle a, Central leh State Sawrkar atanga ram hmasawnna tur hmuh ang angte hmang thiam tur leh  chumi atana ruahmanna felfai tak siam thin turin a chah a ni.

Adviser to Chief Minister chuan VB-G RAM G kaltlanga hnathawhah Mipui, khawtlang leh chhungkua tin ten hmasawnna an neih a pawimawh hle a ti a.  Village Council - te kan sum hman leh vawn dan ah pawh tih sual a tam thin tiin, fimkhur leh uluk zawka hmalak thar a ngaih thu a sawi. Hmasawnna hnathawh kawngah 'Convergence' thim taka kalpui a pawimawh hle tiin, department hrang hrangte thawkho thim turin a chah a. Central leh State sawrkarin ram hmasawnna atan theih tawp a chhuah thin a, Lawngtlai District- ah pawh theihtawp chhuah a nih theih nana thawhpuiah sawmin, Dr. Lorrain Lalpekliana Chinzah chuan hlawk taka hun hmang turin duhsakna a hlan nghal bawk.

Pu H. Zonunmawia, Project Director, DRDO, Lawngtlai chuan Power Point Presentation hmangin 'VB - G RAM G' thil tum leh hriattur pawimawh hrang hrangte zirtirna hun a nei a. Zawhna leh chhanna hun hlawk tak hman nghal a ni. PD chuan 'VB-G RAM G' kaltlanga  hmalaknate inhrilhhriat bakah hnathawhnaah pawh thawhho thiam a tul hle a, tha intichak tawna kal  a pawimawh tiin, thawhpuiah a sawm a ni.

Vawiin hun hmannaah hian EM, MDC LADC leh CADC, Programme Officer, VB-G RAM G, Lawngtlai, Sangau, Bungtlang 'S' leh Chawngte, Lawngtlai khawpui chhunga Village Council leh Sangau RD Block, Bungtlang 'S' RD Block leh Chawngte RD Block - a Village Council Member- pahnih theuh te an tel a, Pu David Lalrinawma, Addl. DC chuan lawmthu sawiin hun a khar.