1730/2026-2027

Lawngtlai, 11th August 2026: Vawiin khan 'National T. B. Elimination Programme Lawngtlai District' bultumin DC Conference Hall- ah 'Campaign on Community Support to T. B. Patients' neih a ni a. Dr. Lorrain Lalpekliana Chinzah, Adviser to Chief Minister ( H&FW, A& FW) leh Lawngtlai East bialtu MLA nibawk chuan Khuallian niin a hmanpui.

Dr. Lorrain Lalpekliana Chinzah chuan kalkhawmte chibai bukin TB vei mek ten chawtha leina an neih theihna tura hmalakna pawimawh tak a nih angin, mimal taka a ngaihhlut thu a sawi a. TB vei zawnchhuah leh enkawl kawngah NTEP Lawngtlai District-te hnathawh chhuanawm a tih thu sawiin, hmalamah hunah pawh tha taka thawk zel turin a fuih a ni. Tihdam theih natna a nih hriatchian a tul a, chutih rualin in enkawl hma leh Damdawi eithat a pawimawh hle tiin heihi ngaipawiamwh thar turin Lawngtlai mipuite a chah.

Dr. Lorrain Lalpekliana Chinzah chuan TB veiten eitur tha an leina tura hmalakna 'Nikshay Mitra' chu  mimal taka a ngaihhlut thu sawiin, hemi atan hian MLA Fund atangin, Rs. 1,51,200/-  (TB Patient- 36 te chawtha leina tur) a hlan nghal a. MLA Fund atanga pek a nih angin mipuite an tel vek a ni tih hriaa, hmalam hunah pawh mimal emaw pawl anga tanpuina pek kawngah hmasawnna a awm a beisei thu a sawi a. Lawngtlai District- ah TB vei an la tam hle a, heihian tha thlahlo a hnathawh a tul zia a tichiang hle tiin theihtawp chhuah zel a nih tur thu a sawi a. Adviser to Chief Minister chuan TB - vei mekte tha taka lo inenkawl zel tura chahin, sawrkar leh mipuite TB umbo kawnga thahnemngai taka thawkho zel turin a sawm nghal bawk.

Pu David Lalrinawma Addl.DC chuan TB veite enkawl kawngah leh TB darh zel tur venkawngah thawktute an fakawm hle a ti a. TB veite dinhmun hriatchian kawngah 'Awareness Campaign' neih that zel a pawimawh hle a ti a. Hemi kawngah hian theihtawp chhuah a pawimawh hle tiin,thahnem ngai taka thawk zel turin a chah nghal a ni.

Pu James Zarzoliana, Senior Treatment Supervisor chuan Report tawi a pe a. Lawngtlai District- ah January -August 2026 chhungin TB vei enkawl - 90 an awm a, Nikhay Mitra (Food Basket) petu  mi -67 awm mekin; Nikshay Poshan ( Nutritional Support) kaltlaning TB vei ten thlatin Rs. 1000/-  an dawng bawk a ni.

Vawiin hun hmanna hi Dr. Lalmuanawma Jongte, Sr. CMO chuan kairhuaiin, TB Patient, NTEP - thawktute, MJA Lawngtlai leh sawmbikte an tel thei a, Pu H. Vanlalpeka, DR- TB Supervisor chuan lawmthu sawiin hun a khar.

Programme hman zawh hian DC Office - ah 'TB Screening' kalpui nghal a ni a, Dr. Lorrain Lalpekliana Chinzah chuan a telpui nghal  a ni.