1731/2026-2027

Aizawl, 11 August 2026: Vawiin khan Information & Public Relations, Printing  and Stationery  changtu Minister Pu B. Lalchhanzova hovin, a chamber-ah Mizoram Film Development Committee an ṭhukhawm.

Pu B. Lalchhanzova chuan kum 2026-27 atana Mizoram Film Development Committee (MFDC) member ruatte a lo lawm a, film leh a buaipuitute chu a rualkhai ang thei bera Committee in an hmasawnna leh film thanzelna tur an ngaihtuah a pawimawh thu a sawi a. Film hmasawnna chungchang sawiin Minister chuan film hmasawnna tur kan sawi hian a buaipuitute, a mihring thiamna leh an hmasawnna tur pawh ngaihtuah tel a ngai, a ti a. Minister chuan Concert economy chungchang sawiin, hmasawnna tam tak a thlen theih dante a sawi bawk . Kawng hrang hranga Mizoram in film lamah kan thanzelna atan CSR leh thil dangte pawh a hman theih em tih Member te chuan lo zir sela a duh thu a sawi a ni.

MFDC Chairman leh IPRP & S Secretary ni bawk Pi Betsy Zothanpari Sailo chuan MFDC chu nikuma Sawrkarin film hmasawnna ngaihtuah tura a din thu sawiin, hetah hian pawl thawhpui bik emaw awm lovin film buaipuitute leh siamtu zawng zawngte chu an huap vek a ni, a ti.

Meeting-ah hian Mizorama Film Industry tihhmasawn nana hmalak dan tur hrang hrang sawiho a nih bakah sum tam zawk film hmasawnna atana dah a pawimawh thute sawilan a ni. Hei bakah hian MFF leh I &PR lamin Ailawnga an din film shoot nana Zokhua siam chu tihchangtlun zel a ngaih thute pawh meeting ah hian tarlan a ni.

MFDC-ah hian Minister hi Patron niin official member bakah non-official member an awm a. Non Official Member te chu: 

1. Pu Lalsawmliana Pachuau
2. Pu Napolean R.Z. Thanga
3. Pu Aldrin Zosangliana
4. Pu Vanneihtluanga
5. Dr. Louise Hauhnar
6. Pu C. Lalhmangaiha (Mapuia Chawngthu)
7. Pu H. Lalsangzela
8. Pu H. Rotluanga