3528/2024-2025

Dated Lawngtlai, 13th December 2024 : Vawiin chawhnu khan Lawngtlai District Level Committee on Nasha Mukt Bharat Abhiyan bul tumin 'Mega Awareness Campaign on Ruihho Do' chu Chandmary Recreation Centre, Lawngtlaiah neih a ni a. Dr. lorrain Lalpekliana Chinzah, Adviser to Chief Minister leh Lawngtlai East bialtu MLA nibawk chuan khuallian niin a hmanpui.

Dr. Lorrain Lalpekliana Chinzah chuan kalkhawmte chibai bukna neiin Ruihhlo vanga kan ram leh hnamin harsatna a tawh mek ngaithuahin vawiin ang hun hman hi a pawimawh hle a ni, a ti. Nasha Mukt Bharat Abhiyan - in a tum ber chu Ruihhlo awmlohna a  India ram siam niin, Narcotics Control Bureau (NCB), Social Justice Department leh Health and Family Welfare Department-  te chu a sulsutu lian tak an nih thu a tarlang a. Adviser to Chief Minister chuan Nu leh Pa,  U leh  Nau leh Thianthate,  Ruihhlo  in a bawih mekte chhanchhuah hna bakah ruihhlo laka fihlim tura  sawrkarin hmalakna hrang hrang a duang chhuak thin chu thil lawmawm tak a ni, a ti. Mizorama  district awm zingah Lawngtlai chu Ruihhlo, ngawlvei leh HIV vei tamna ber zing a mi a nih thu tarlangin, Dr. Lorrain Lalpekliana Chinzah chuan hei hian hmalak a ngaih zia ti chiangin,  ruihtheihthil ti mek leh a bik takin inchiu thinten vawiin ni atanga bansan a hun tawh takzet a ti.

Adivser to Chief Minister chuan Ruihhlo tûr hian zun a nei vek a, vawi  khat tih chhin hian ngawlveina a thlen thin tiin tihchhin loh hi a  pawimawh ber a ni, a ti. Ruihhlo bawih atanga talchhuah tum mekte  dinhmun a hriatthiampui tih sawiin MLA chuan theihtawp chhuah zel turin a fuih a. Ban san tura harsatna an tawh kawngah tanpui turin  sawrkar leh NGO- te an awm reng tih hre turin a chah. CYLA  ten Drugs Reduction Squad (DRS) an din chu lawmawm tiin an hnathawh zawng zawng avangin an chungah lawmthu a sawi a.  Sawrkar nena thawhhona tha awm zel tur a  chahin, Sawrkarin a puih zel dawn tih a tarlang bawk.

Dr. Lorrain Lalpekliana Chinzah chuan Ruihhlo vanga  Chhungkua kehchhia, fahrah leh kum naupangte a boral an tam ta hle tiin NGO leh Sawrkar hmalakna a duhtawk mai lo a, mipuite chu theithawpa tawiawm turin a sawm a. Ruihhlo do kawngah mitinin mawhphurhna  an nei tih hriat a tul tih tarlangin, Dr. Lorrain Lalpekliana Chinzah chuan 'Nasha Mukt Bharat Abhiyan'  hlawhtlin zelna turah duhsakna a hlan a. Ruihhlo tel lo a Krismas leh kum thar   hmang tur a  Lawngtlai mipuite  sawmin, duhsakna a  hlan nghal bawk.

Pu Cheemala Siva Gopal Reddy, IAS, District bawrhsap chuan Ruihhlo laka fihlim tura theih tawp chhuah tulin, Awareness lam pawh uar zawka kalpui a hun tawh tak zet a ni, a ti a. Kohhran leh NGO- ten theihtawp chhuaha Ruihhlo an  do thin chu  thinlung taka fakawm a tih  thu tarlangin, thahnem ngai taka thawk zel turin a chah  a. Pu Lokeshwaran R. Lawngtlai Superintendent of Police (SP)  pawhin thu sawiin, Lawngtlai khawpui chu  Ruihhlo zuar leh ngawlvei awm lohna a siam turin mitinin mawhphurhna an nei a ti.  Ruihhlo do kawnga rah bi thar kai a, hmalam pana kal zel turin Lawngtlai mipuite  a sawm a ni.

Pu JH Lalrindika, General Secretary, CYLA chuan Ruihhlo do kawnga an hmalakna leh hnathawh dan tlangpui report pek na a nei a. Pi Malsawmtluangi, Superintendent, DC Offcie,  chuan Ruihhlo ti lo tura intiamkamna (Pledge ) sawihona kaihruaiin, Government Higher Secondary School, Don Bosco School, DEO Pipe Band leh MzSRLM, Lawngtlai RD Block - ten hun an hmang bawk.

Vawiin 'Mega Awareness Campaign on Ruihho Do' hmanna hi Pu Cheemala Siva Gopal Reddy, IAS, Deputy Commissioner leh Chairman, Lawngtlai District Level Committee on Nasha Mukt Bharat Abhiyan chuan kaihruaiin, Lawngtlai District chhunga Department hrang hrang, NGO leh zirlaite an kalkhawm tha hle  a ni. Pu Zoramsiama Hmar, Addl. DC chuan lawmthu sawina neiin hun a khar.