1840/2023-2024

Dated Saitual the 11th September 2023 : Health and Family Welfare Minister Dr R Lalthangliana'n Saitual chhimveng ah, Saitual market a hawng a hawng a, Zemabawk a MIFCO hmun a tlawh bawk.

He Saitual market hawnna puala inkhawm hi Saitual a CMO office hawnna inkhawm rual a neih a ni a. Pi Lalsangpuii Addl Director, Commerce and Industries Department chuan report pe in building chu chhawng hnih a sak a ni a, Ground Floor leh First Floor ah chawhmeh zawrhna tur selling platform siam ve ve anni a, selling platform hi a vaiin 24 a ni. A area hi 129.71sq.m a zau niin mipa leh hmeichhe toilet a hran a siam a ni. He building hi cheng nuaih 150 seng a sak niin, December ni 4,2021 a zawh fel a ni.

Vawiin vek ah hian Dr R Lalthangliana, Minister Commerce & Industries leh Chairman, MIFCO ni bawk chuan zingkar ah khan Zemabawk, Bungla hmuna MIFCO in Sa sawngbawlna a kalpui mek chu a hmunah a tlawh a, hmalak zel dan tur MIFCO hotute a sawipui.

Zemabawkah hian MIFCO chuan Ran talhna project a kalpui mek a, tunah hian Trial period a nei mek a ni a. He ran talhna hmunah hian Vawk talhna bikah nitin vawk 200 talh thei tur leh Bawng talhnaah hian Bawng 50 talh thei tura duan a ni a. Vawk talhna hmunah phei chuan a sawngbawlna khawl (Processing equipments) pawh dah a ni.

Minister hi Pu R Lalramnghaka, Secretary, Commerce & Industries leh Managing Director MIFCO bakah MIFCO Officer te’n an tawiawm a ni.