988/2023-2024

Dated Serchhip, the 30th June, 2023: Vawiin khan Hnahthiala Horeb Conference Hall-ah Remna Ni lawmna hun buatsaih a ni a, Dr R. Lalthangliana, Minister, Health & Family Welfare chu khualian a ni.

Khuallian Dr R. Lalthangliana chuan thusawiin, ram leh hnam tana an nunna hlu tak hlantu hnam pasalmha leh martar-te zahna chibai a buk a, kan ngaisang a, kan zah a ni, a ti. Tun hnai chhovah Myanmar, Bangladesh leh Manipur-ah kan unauten buaina an tawk a, an unaute ram, Mizoramah mi tam tak an rawn raltlan mek a ni. Heng kan unau rawn raltlante hi an awmna hmunah ka tlawh tawh mhin a, an lainatawm hle. An dinhmun atang hian remna hlutzia a lang fiah hle a, ram inrelbawlna fel lo vanga tawrhna te hi rapthlak thin tak meuh meuh a ni. Hetiang an nih laia Mizoramin remna kan nei bik te, boruak muanawm tak hnuaia hmasawnna hna kan thawk mup mup reng mai te hlutzia leh ropui zia hi i hre thar leh ang u, a ti. Remna tluan tling mha kan neih avangin Central sawrkar chuan Peace Bonus pawh vaibelchhe 180 zet min lo pe tawh a, state dang pawhin min hlut pui thiam hle, khawvel pawhin min hmelhriat phah nasa hle a ni. Remna thuthlung zarah Special Category State-ah dah kan ni a, state dang nena bukna khata buk theih kan ni lo. State matching share pawh 10% chauh kan pek ve a ngai ta a ni. Remna thuthlung avang bawkin Mizoram University kan nei a, High Court pawh remna thuthlungah ziah a ni a, Court Building tur pawh lian leh mawi tak hawn turin kan peih thawkhat tawh a ni, tiin remna thuthlung hlutzia a tarlang bawk.

He hunah hian Pi Esther Lalruatkimi Principal Secretary, Health Department leh Hnahthial Sub Hqrs YMA President, Pu B. Lalhmingliana te pawhin thusawina hun an hmang a ni.

He hunah Remna Ni puala Quiz leh Essay inziah siak lawmman sem a ni a, nimin khan Remna ni pual Free Health Camp Hnahthial Civil Hospitalah nimin atang khan buatsaih niin, vawiin hian a kharna hun buatsaih a ni ang.

A lawmna inkhawm hi Pu R. Lalremsanga, Hnahthial Bawrhsap chuan a kaihruai a, Pu Lalremruata Sailo, SDO, Sadaar-in lawmthu sawiin inkhawm hi a khar a ni.