578/2023-2024

Aizawl, 25th May, 2023: Vawiin khan Higher & Technical Education Minister Dr R. Lalthangliana chuan a pisa-ah HSSLC Examination 2023 result tihchhuaha a bial chhung mi leh sa zirlai tiṭhate chawimawina a nei.

H&TE Minister hian HSSLC (Science) Examination, 2023 a Mizoram topper - Jonathan C. Lalhruaitluanga s/o C. Lalduhawma, Hnahthial Chanmari leh Mathematics subject-a mark hmu sang ber leh Mizorama sawmna (10th position) dinhmun luahtu Lalrindiki d/o K. Neihkhuma, Thingsai te chu lawmpuina Citation, pawisa fai leh lehkhabu a hlan.

Lalrindiki hi an khua, Thingsai lamah a haw avangin a aiawhin Pi Lalrengpuii, Thingsai Welfare hruaituin lawmpuina thilpek hi dawng a ni.

Minister chuan a bial chhunga zirlai rampum huap board examination-a top ten-a lang thei an awm chu lawmawm a tih thu leh chhuanawm a tih thu a sawi a, an zir chhunzawm zelna turah duhsakna hlanin, taimak chhuah chhunzawm zel tur leh ram leh hnam tana chhenfakawm ni ngei turin a chah a ni. 

Attachment

  • Loading attachment...