579/2023-2024

Aizawl, the 25th May 2023 : Vawiin khan Rajya Sabha MP Pu K. Vanlalvena’n Gov't Lengpui High School kum 50 (Golden Jubilee) tlin lawmna hun a hmanpui a. Khuallian Pu K. Vanlalvena chuan, "Zirnaah hian pawimawh tam tak awm mah se, kan future hi keimahni kutah a awm," a ti.

Pu K. Vanlalvena chuan zirna hi a hlawhtlinna chu zirlai, zirtirtu leh nu leh pa te ni mah se, mahni hmalam tana hlawhtlinna tak tak chu zirlaite kutah a awm a ni. Thil ?henkhatin kan hmalam hunte tibahlah thei mah se, theihtawp chhuahtu te chu dan rual an ni ngai lo, a ti a. Zirlaite chu an future ah hlawhtlinna hi a awm vek a, nu leh pa hausakna emaw retheihna emaw avangin an hlawhtlinna kawng a bo lova, 'smart phone' hmangin khawvel thil engkim mai zirna lam thlengin an hmu thei vek a ni. Chuvangin he generation- a vanneihna hi hmangthiama, tum ruhna nen a hlawhtlinna kawng zawh turin duhsakna ka hlan a ni, a ti bawk.

Sawrkar hriatpui damlo Emergency te Lengpui Airport-a ?umpui theih loh chung changah Central Aviation lam hotu, Pu J. Lalhmingliana, Principal Consultant (Aviation wing) nena an zuk dawr thu sawiin, hetianga Airport pa li (4) dah zingah kan lo tel a, dilna te kan siam angin rei lo te ah sawrkar hriatpui damlo emergency hruai ngaite tan thu lawmawm kan hre thuai turah kan ngai, a ti. NIT chungchang sawiin Pu K. Vanlalvena chuan cheng vaibelchhe 700 senna tur NIT Lengpui rama sak mek chu tunah cheng Vbc 300 vel an hmang tawh a. Mahse a nih tur anga an sak loh avangin Complaint ka theh lut a, tunah chuan Director fel tak dah a ni tawh a. Forest clearance tih fel loh avanga buai pawh Department hotute nen Director General-ah kan ti fel ta a, rei lo te ah NIT building tha tak kan neih thuai ka beisei, a ti.

Khualzahawm Bialtu MLA Er H. Lalzirliana pawhin thu sawiin Department hotute pawhin professionalism an neih a ngai hle a, hmasawnna ruhrel siamna kawngah a hnu leh awm thei buaina hrang hrang kan thlir tel a pawimawh hle a, Forest clearance avanga buaina kan tawh thin te pawh hi kan experience atan hman a tha a ni a ti. Lengpui Higher Secondary school pawh Chief Minister leh Education Minister zarah Samagra hnuai a awm tawh Sawrkarin a dahsak sawn tiin a sawi a. dah sak Lengpui PHC tan Hindustan Petroleum ten X-ray khawl tha tak mai an bun sak tur thu a sawilang bawk a ni.

He hun hi, he school Headmaster hlui Ex. MP Dr. H Lallungmuana te leh zirtirtu lo thawk tawh ten an tel pui a. Rev. RC Lalchhuanthanga'n hunserh a hmang a, Headmaster ni lai Pu Lalchhuanawma chuan inkhawm a kaihhruai a ni.