Ni 9.3.2019 (Inrinni) zing khan Dr. R. Lalthangliana, Minister. Higher & Technical Education, Health & Family Welfare leh Commerce & Industries Department changtu chuan Mizoram Polytechnic leh Nursing School te a tlawh.

Dr. R. Lalthangliana chuan Mizoram, khawtlang leh chhungkua a tangkai thei tur zirlai chherchhuah hi SEDP in tum a, Polytechnic zirlaite  anmahni line theuha intungnung theih  turin  leh an thiamna te hmantlak khawpa zirtirna pe turin  a duh a, Polytechnic hi engenge anih ti lang thei khawp a hma la turin a chah ani.Polytechnic atanga zirchhuak te anmahnia a intohdelh thei  tura chherchhuah a ngaih thu a sawi. Polytechnic tana hmasawnna rurel tangkai tak duang chhuaka idea tha tak hmanga zirlaite enkawl a pawimawh thu a sawi bawk.

 Pu Lawmawma Tochhawng, Vice Chairman, High Powered Committee, Lunglei pawhin thusawiin Polytechnic zirlaite   khawtlang leh Mizoram atana mi tangkai ni thei khawp a  chherchhuah a pawimawh thu sawiin zirchuak ten sorkar hna piahah anmahni intohdelh thei tur tura zirtir angai a ni ati. Hmasawnna  kawngah  inpawh tak leh tangtlang taka   hnathawpui ah a sawm nghal bawk ani.

Er. B. Lalhmuakluaia, Principal, Mizoram Polytechnic chuan zirtirtu indaihloh leh mamawh hrang hrang an neih te sawiin  Minister chuan theih ang anga sutkian dan a ngaihtuah tur thu a sawi. Mizoram Polytechnic ah hian Civil, Electrict, Mechanical leh Computer diploma zir theihna a awm ani.

Dr. R. Lalthangliana chuan Nursing School pawh tlawhin Pi T. Rozami, Principal leh a thawhpui ten lo hmuakin Nursing School bak ah Girl leh Boy hostel te fanpuina neiin Dr. R. Lalthangliana chuan mihring enkawltu tur bika zirna in anih avangin damlo enkawlna ah hlim hmel pu a zaidam tak enkawl turin a duh a, tihdam rawngbawltu in ni tih hre reng tur zirlaite a chah ani. Zirtirtute pawh zirlaite entawntlak bakah  zirtirna tha pe theuh turin a chah tel bawk. Nursing School compound amawinan leh boruak a nawm nan thingphun uar turin  ati.

Nursing School in mamawh hrang hrang an thlente chu a nghaihtuah tur thu Minister chuan a sawi. Minister hi Official, MJA leh Party hruaitu ten an tawiawm ani.